Rusiyada misli görülməmiş səfərbərlik: ordu döyüş mövqeyi tutdu - ŞOK İDDİA

ABŞ kəşfiyyatı Rusiyanın 2022-ci ildə Ukraynaya hücum edəcəyinə inanır.

Musavat.com Teleqraf.com-a istinadla xəbər verir ki, bu barədə “Blumberq” kəşfiyyat xidmətlərindəki mənbələrə istinadən məlumat yayıb.

Nəşrin mənbələri bildiriblər ki, Moskva Ukraynaya üç istiqamətdən hücum hazırlayır: “Krım yarımadasından, Rusiya-Ukrayna sərhədi tərəfdən və Belarus ərazisindən”.

Agentlik ABŞ kəşfiyyatının bu məlumatları Avropa dövlətlərinin aidiyyəti qurumlarına göndərdiyini bildirib.

“Blumberq”in məlumatına görə, Amerika kəşfiyyatında Rusiya hərbi kontingentinin Ukrayna ilə sərhəddə cəmləşməsini təsdiqləyən xəritələr var. Vaşinqtonun əldə etdiyi məlumatlara görə, Rusiya təxminən yüz min əsgərini hücuma hazırlayır. Bu qoşunlar Ukrayna ilə müharibədən əlavə, digər əraziləri də ələ keçirməlidir.

ABŞ Rusiyanın taktiki qruplaşmalarının əksəriyyətinin artıq döyüş mövqeləri tutduğunu iddia edir. Onların irəli hərəkəti hava zərbələri ilə dəstəklənəcək və arxa tərəfin təhlükəsizliyi Moskvanın postsovet məkanı üçün misli görünməmiş miqyasda orduya çağırdığı ehtiyatda olan hərbçilər tərəfindən təmin ediləcək.