Məhəmməd İslamidən sentrifuqalara qaz vurulması ilə bağlı açıqlama

"Sentrifuqalara qaz vurulması Strateji Fəaliyyət Qanununun icrasına uyğundur və qarşı tərəfin sanksiyalarına cavabdır"

Operativ.tv Az.rasthaber.com -a istinadən xəbər verir ki, bunu İranın Atom Enerjisi Agentliyinin rəhbəri Məhəmməd İslami Nazirlər Şurasının bu gün keçirilən iclasında mətbuat mənsublarının suallarını cavablandırarkən deyib.

Məhəmməd İslami bildirib:

"Amerikalılar müntəzəm olaraq maksimum təzyiq siyasətinin uğursuzluğunu etiraf edirlər və bu siyasətdən nəticə əldə etməyə ümid etmirlər, lakin biz onların ikili və çoxşaxəli standartlarını görürük.

Onlar 20 ildir ki, ölkəyə qarşı saxta ittihamlar irəli sürür və sionist rejim və antiinqilabçı qrupların irəli sürdüyü iddialarla İran və millətə təzyiqləri artırırlar".

İslami İranın bütün nüvə fəaliyyətlərinin müdafiə tədbirlərinə uyğun olduğunu vurğulayaraq deyib:

"Sentrifuqalara qazın vurulması Strateji Fəaliyyət Aktının icrasına uyğundur və qarşı tərəfin sanksiyalarına cavabdır".

Məhəmməd İslami MAQATE direktoru Qrossinin son iddiaları ilə bağlı deyib:

"Qrossinin agentliyin qaydalarına uyğun şərh verməsini, şərhinin qanun və qaydalar çərçivəsində olmasını və sionist zülmündən təsirlənən siyasi davranışlara son qoymasını gözləyirik".