Tale Bağırzadə aclıq aksiyasını dayandırdı

Müsəlman Birliyi Hərəkatının sədri Tale Bağırzadə aclıq aksiyasını dayandırdığı barədə açıqlama yayıb.
"Aclıq aksiyasının dayandırılmasıyla əlaqəli çoxsaylı çağırışlar, önəmli şəxsiyyətlərin müraciəti, həbsxanalarda bizimlə birgə aclıq aksiyasına qoşulan dəyərli və cəsarətli qardaşlarımızın səhhətlərində yaranan problemləri və onların əziz ailələrinin narahatlığını nəzərə alaraq bu gündən etibarən aclıq aksiyasını dayandırıram. Ancaq mübarizəni əsla dayandırmırıq. Hakim rejim tərəfindən Allahı təhqir edən, dövlət orqanlarında vətəndaşlara qarşı işgəncə, zorakılıq, şəxsiyyəti alçaldan halların qarşısı alınmayana, həmin cinayətkarlar cəzalanmayana kimi hər cümə günü sivil etiraz aksiyaları davam edəcək. Bu böyük cinayətin rejim tərəfindən ört-basdır edilərək unutdurulmasına əsla imkan verməyəcəyik.
Aclıq aksiyası dövründə bizə dəstək olan ölkə daxili, və ölkədən xaricdə olan bütün əzizlərə adbaad təşəkkür edirik. Alah millətimizi qorusun" - deyə açiqlamada bildirilir.
P.S. Bu gün Tale Bağırzadənin doğum günüdür. Bu münasibətlə qəzetimiz adından onu təbrik edir, tezliklə azadlığa çıxmasını arzulayırıq.
 
Azadlıq.