Ərdoğan: Türkiyə Yunanıstanın təxribatçı addımlarına göz yummayacaq

Türkiyə anti-terror əməliyyatlarını başlamaq, davam etdirmək və sonlandırmaq üçün heç kimdən icazə almaq niyyətində olmadığını göstərdi.

Operativtv.com APA-nın İstanbul müxbirinə istinadən xəbər verir ki, bu barədə Türkiyə Prezidenti Rəcəb Tayyib Ərdoğan TRT World Forumunda bildirib.

O qeyd edib ki, NATO və Avropa ölkələri terrorçulara dəstəklərini dayandırmalıdır.

Ərdoğan, həmçinin, əlavə edib ki, ölkəsi Yunanıstanı Egey və Aralıq dənizindəki təxribatçı addımları atmağa cəsarətləndirənlərin bu davranışlarına da göz yummayacaq.