Qazaxıstanda seçkilərin baykot edilməsini tələb edən 700 nəfər saxlanılıb

Qazaxıstanda seçkilərin baykot edilməsini tələb edən 700 nəfər saxlanılıb

Qazaxıstanın ən böyük şəhərlərində prezident seçkilərinin baykot edilməsini tələb edən etirazçıların keçirdiyi sanksiyalaşdırılmamış mitinqdə iki gün ərzində, təxminən, 700 nəfər saxlanılıb.
 
Etirazlar əsasən Nur-Sultan və Almatı şəhərlərində keçirilir. 
 
"Report.az" xəbər verir ki, bu barədə Qazaxıstan Daxili İşlər Nazirliyinin rəsmi nümayəndəsi Oraz Nurdilda jurnalistlərə bildirib.
 
"İlk gündə (9 iyun - red.) 500 nəfər saxlanılıb, onlardan 400-nə qarşı inzibati protokol tərtib edilib. İkinci gündə, təqribən, 200 nəfər saxlanılıb. Onlardan 150-sinə qarşı inzibati protokol tərtib edilib", - DİN rəsmisi deyib.
 
Qazaxıstanda iyunun 9-da keçirilmiş prezident seçkisində Mərkəzi Seçki Komissiyasının ilkin məlumatlarına görə, ölkənin hazırkı Prezidenti Kasım-Jomart Tokayev 70,76 faiz səs toplayıb. Seçici fəallığı 77,4% olub.

Facebook