Nazarbayev koronavirusa yoluxdu

Qazaxıstanın keçmiş Prezidenti Nursultan Nazarbayev koronavirusa yoluxub.

Operativ.tv “RİA Novosti”yə istinadən xəbər verir ki, bu barədə Nursultan Nazarbayevin mətbuat katibi Aydos Ukibay tvitter hesabında açıqlama yayıb.

Onun sözlərinə görə, hazırda siyasətçi özünü təcrid edib, narahatlığa heç bir səbəb yoxdur.

“Təəssüf ki, keçmiş Prezidentin koronavirus üçün son testi pozitiv nəticələnib. Nazarbayev məsafədən işləməyə davam edir”,- deyə Aydos Ukibay bildirib.