Millini bir idmançı təmsil edəcək

Noyabrın 18-də Bakıda start götürəcək batut gimnastikası üzrə Dünya Çempionatında Azərbaycan millisi bir idmançı ilə təmsil olunacaq.

Az.shafaqna.com xəbər verir ki, bu barədə Azərbaycan Gimnastika Federasiyasının mətbuat xidməti məlumat yayıb.

4 gün davam edəcək yarışda yalnız Mixail Malkin iştirak edəcək.

Milli Gimnastika Arenasında keçiriləcək Dünya Çempionatına 33 ölkədən 300-dək gimnast qatılacaq.

Bakıda ilk dəfə təşkil olunacaq yarış batut gimnastikası üzrə 35-ci mundialdır.