Hafiz Hacıyev polisə müraciət etdi: “Məmurlar məni ölümlə hədələyirlər”

“İctimai Televizyadakı debatlarda etdiyim çıxışlara görə, bir sıra məmurlar tərəfindən həyatım üçün böyük təhlükə yaranıb. Bu gün də belə məlumatlar mənə daxil olmaqdadır. Bu kimi halların qarşısını almaqdan ötrü tədbirlər görürük”.

Bu sözləri Modern.az-a açıqlamasında Müasir Müsavat Partiyasından prezidentliyə namizəd Hafiz Hacıyev deyib.

O bildirib ki,  bir sıra məmurlar var ki, onu ölümlə hədələyirlər.

“Məni ölümlə hədələyənlər narahat olmasınlar. Biz onlardan qorxan deyilik və onların bu xalqa etdiyi cinayətlərin hamısını açıb ortaya qoyacağıq. Həmçinin, müəyyən tədbirlər də görəcəyik. Bizi qorxutmaqla yolumuzdan döndərmək mümkün deyil. Bu gün mənə böyük təzyiqlər var və onlara hələ ki dözürəm”.
 

Hafiz Hacıyev onu ölümlə hədələyən məmurların kimliyini açıqlamaq istəməyib.

“Mən istəmirəm ki, onların adlarını deyim. Bununla bağlı hüquq-mühafizə orqanlarına məlumat vermişəm. Onlar elə düşünməsinlər ki, milyardları var və məni istənilən vaxt öldürə bilərlər”.

Hafiz Hacıyev İTV-dəki debatda bir neçə məmur barədə sərt fikirlər səsələndirib.