Gürcüstanda iqtisadi artım Azərbaycandakından 4 dəfə çox olub

Ötən ay Gürcüstanda ÜDM-in artım tempi 5,5% təşkil edib.

Gürcüstanın Milli Statistika İdarəsinin məlumatına görə, yanvar-fevral aylarında ÜDM 4,9% artıb.

Fevral ayının digər əsas iqtisadi göstəricilərinə əsasən, Gürcüstanda istehlak qiymətləri yanvar ayı ilə müqayisədə 0,2% artıb, xarici ticarət dövriyyəsinin həcmi isə 16,3% artaraq 1 mlrd. 683,5 min dollar təşkil edib.

Qonşu ölkədə ötən ay 4 250 müəssisə qeydiyyata alınıb ki, bu da yanvar ayına nisbətdə 12,9% çoxdur.

Dövlət büdcəsinin gəlirləri 693,1 mln. lari, xərcləri isə 683,9 mln. lari təşkil edib.

Qeyd etmək lazımdır ki, Azərbaycanda iqtisadi artım yanvar-fevral aylarında cəmi 1.3 faiz təşkil edib.

azadliq.info