Fransa XİN Senatın qondarma "DQR"-lə bağlı qətnaməsini dəstəkləmədi

Fransa hökuməti "Dağlıq Qarabağ Respublikası”nın müstəqilliyini tanımır. TASS agentliyinin  noyabrın 26-da yaydığı xəbərə görə, bu barədə Fransa Xarici İşlər Nazirliyi məlumat yayıb.
 
"Senat noyabrın 25-də qətnamə qəbul edib. Qətnamədə öz müstəqilliyini elan etmiş "Dağlıq Qarabağ Respublikası”nın tanınması ilə bağlı Fransa hakimiyyətinə çağırış edilib. Səsvermədən əvvəlki müzakirələr zamanı Xarici İşlər Nazirliyinin nümayəndəsi Jan-Batist Lemuan Fransa hökumətinin bu mövzuda mövqeyini  xatırladıb – Fransa özünü müstəqil elan etmiş "Dağlıq Qarabağ Respublikası”nı tanımır”, - deyə məlumatda bildirilib.
 
Jan-Batist Lemuan qətnaməyə baxış zamanı onu da vurğulayıb ki, Fransanın "Dağlıq Qarabağ Respublikası”nın müstəqilliyini birtərəfli qaydada tanıması heç kimə fayda verməyəcək, bu, sülh prosesinin irəliləməsinə kömək etməyəcək.