Dünyanın ən böyük teleskopu 8 çən su ilə soyudulur

Günəşin indiyə kimi ən detallı şəkillərini çəkən dünyanın ən böyük teleskopu "İnouye" hər gün 8 tank su ilə soyudulur.

Belə ki, teleskop Günəşin istiliyinə həddindən artıq məruz qaldığı üçün soyudulur. Günəşin indiyə kimi ən detallı şəkillərini çəkən ABŞ Milli Günəş Rəsədxanasına məxsus "İnouye" günəş teleskopu ABŞ-ın Maui adasında Haleakala vulkanik dağın zirvəsinə 3000 kilometr yüksəklikdə yerləşdirilib.

344 milyon dollara başa gələn teleskop 2003-cü ildə inşa edilib. 

İnouye günəş teleskopu tərəfindən çəkilən görüntülərdə Günəşin səthində, hər biri 6000 dərəcə isti olan qızıl dənəciklər görünür. Yüksək temperatur olan yerlər parıldasa da, daha aşağı temperaturda olan alt bölgələr qonşu hissəciklərlə kölgəli bir haşiyə əmələ gətirir. Alimlər deyirlər ki, bu detallı görüntülər Günəşin hərəkətini daha yaxşı anlamağa və fəaliyyət dövrünü daha dəqiq proqnozlaşdırmağa kömək edir.

Günəşi birbaşa gördüyü üçün həddindən artıq istiliyə məruz qalan teleskop, temperatur dəyişikliyinin hava fırtınasına səbəb olması və görüntü keyfiyyətinə təsir göstərməməsi üçün, hər gün bir hovuz dolduracaq buzla soyudulur 

12 km olan borular hər gecə səkkiz çən buzla doldurulur, teleskop güzgüsünün arxasında isə 100 çiləyici işləyir.