“Diqlas” TM-də baş verən yanğından zərərçəkənlərə kompensasiya ödəniləcək

“Diqlas” TM-də baş verən yanğından zərərçəkənlərə kompensasiya ödəniləcək

Azərbaycan Prezidenti İlham Əliyevin göstərişi ilə “Diqlas” Ticarət Mərkəzində baş verən yanğından zərərçəkən vətəndaşlara kompensasiya ödəniləcək.

Bu barədə Nizami rayon İcra Hakimiyyətində "Diqlas" Ticarət Mərkəzində baş verən yanğından zərərçəkənlərlə keçirilən görüşdə Prezident Administrasiyasının Regional idarəetmə və yerli özünüidarəetmə orqanları ilə iş şöbəsinin müdir müavini Hüseyn Mövsümov bildirib.

O qeyd edib ki, yanğın hadisəsi ilə əlaqədar məsələlər prezident İlham Əliyevin və birinci vitse-prezident Mehriban Əliyevanın nəzarətindədir: “Prezidentin tapşırığı ilə hər bir vətəndaşa dəyən ziyana görə dövlət tərəfindən kompensasiya ödəniləcək. Bununla əlaqədar komissiya yaradılacaq. Həmin komissiya dəymiş zərəri hesablayacaq”. 

Görüşdə həmçinin qeyd olunub ki, baş vermiş yanğınla bağlı cinayət işi başlanıb, ticarət mərkəzinin səlahiyyətli şəxsləri qanun qarşısında cavab verəcəklər.

Facebook