12 May 2022

Rəsmi elan: Şimali Koreyada 2 il yarım sonra ilk koronavirus hadisəsi

Yenisafak-a istinadən Operativ.tv-məlumat verir ki, Pandemiyanın başlanğıcından bəri ölkədə koronavirusa (Kovid-19) yoluxmadığını iddia edən Şimali Koreya ilk hadisəni açıqlayıb. 
Kİm Çen In-ın başçılıq etdiyi Şimali Koreya dünyanın ən qapalı və “sirli” ölkələrindən biri hesab olunur.
Ölkə son vaxtlar koronavirusun (Kovid-19) görülmədiyi yeganə ölkə olduğu iddiası ilə gündəmə gəlib.

Benzin və dizellə işləyən avtomobillər qadağan edilir?

Yenisafak-ın Operativ.tv-yə istinadən verdiyi xəbərə görə, Avropa Parlamentinin (AP) Komitəsi yeni benzin və dizellə işləyən avtomobillərin satışını qadağan etməyə hazırlaşır. Buna görə də sözügedən avtomobillər 2035-ci ildən etibarən satıla bilməyəcək.
Avropa Parlamentinin (AP) Komitəsi 2035-ci ildən yeni benzin və dizel mühərrikli avtomobillərin satışını qadağan edən qanun layihəsini dəstəkləyib.

Bu gün Fəqan Məmmədovun məhkəməsi keçirilib-VİDEO

Bu gün Bakı Ağır Cinayətlər Məhkəməsində Fəqan Məmmədovun növbəti məhkəmə prosesi keçirilib. Şahid qismində onunla birlikdə həbs olunan Arif Cəfərov ifadə verib. O, öz ifadəsində saxlanılmalarından, Baş Cinayətkarlıqla Mübarizə İdarəsinə aparılmalarından, üzərilərinə narkotik vasitə qoymaqla şərlənmələrindən danışıb. Sonunda Cəfərov hakimə “İnsanları şərləməkə hökm verərkən gecələr necə rahat uyuyursunuz?” deyə soruşması hakimin etirazına səbəb olub. Arif Cəfərov onlara qarşı hər növ ittihamları rədd edib.

Ağdamda əlində sursat partlayan çoban öldü

Mayın 12-si saat 16 radələrində Ağdam rayonu ərazisində 1982-ci il təvəllüdlü Rəşad Bəxtiyarovun çoxsaylı qəlpə yarası alması barədə rayon prokurorluğuna məlumat daxil olub

Ağdam rayon Prokurorluğundan "Unikal"a verilən məlumata görə, aparılmış araşdırmalarla kənd-təsərrüfatı fəaliyyəti ilə məşğul olan Rəşad Bəxtiyarovun rayonun Çəmənli kəndi ərazisində silah sursatın partlaması nəticəsində ağır dərəcəli bədən xəsarəti alması müəyyən edilib.

Qnabri "Real"a keçir

"Bavariya"nın futbolçusu Serj Qnabri karyerasını İspaniyada davam etdirəcək.

"Unikal" "Fichajes"ə istinadən xəbər verir ki, "Real" 26 yaşlı almaniyalı vingeri yayda heyətinə qatacaq. Oyunçunun Münhen təmsilçisi ilə sözləşməsi 2023-də başa çatır.

Qeyd edək ki, Almaniya millisinin üzvü 2017-ci ildən "Bavariya"da çıxış edir.

Paşinyanın istefası tələbi ilə avtoyürüş keçirilir

Ermənistan müxalifəti İrəvanda baş nazir Nikol Paşinyanın istefası tələbi ilə daha bir avtoyürüş keçirir.

"Unikal" xəbər verir ki, aksiya paytaxtın kənarından başlayıb, yürüşlərin biri Myasnikyan prospektindən start götürüb. Sürücülər aşağı sürətlə şəhərin mərkəzinə doğru hərəkət edir, sonra yenidən prospektə qayıtmağı planlaşdırırlar.

Radikal sağçı lider Paludana Quran-Kərimi yandırması üçün icazə verildi

İsveçin 5 bölgəsində məscidin yaxınlığında Quran yandırmağı nümayiş etdirmək üçün icazə istəyən Danimarkanın radikal sağçı lider Rasmus Paludana icazə verilib.
SHAFAQNA TÜRKİYE-yə istinadən Operativ.tv xəbər verir ki, Paludan mayın 12-13-də paytaxt Stokholmda müsəlmanların yaşadığı Göteborq, Boras və Trollhetten şəhərlərində, habelə Hallunda və Husbi məhəllələrində Quranın yandırılması məqsədilə nümayiş etdirmək üçün icazə istəyib. Nümayiş üçün icazəni təsdiqləyən polis əks-nümayişçilərə hay-küy salmamaq üçün xəbərdarlıq edib.

ABŞ-da yerli amerikalı uşaqlarına aid olduğu düşünülən 500 məzar tapılıb

ABŞ hökumətinin sifarişi ilə aparılan araşdırmada 50-dən çox internat məktəbində yerli amerikalı ailələrin uşaqlarına aid olduğu düşünülən 500 məzar müəyyən edilib.
Yenisafak-a istinadə Operativ.tv xəbər verir ki, yerli amerikalı uşaqların zorla saxlanıldığı internat məktəbləri ilə bağlı ilk federal araşdırmada indiyədək 53 fərqli yerdə 500 dəfn yeri müəyyən edilib və rəsmilər bu rəqəmin arta biləcəyini bildirib.

İsveç və Finlandiya İngiltərə ilə təhlükəsizlik sazişi imzalayıb

İsveç və Finlandiya NATO-ya üzvlük üçün müraciət etməzdən əvvəl Böyük Britaniya ilə təhlükəsizlik sazişi imzalayıb.
Euronews-a istinadən Operativ.tv xəbər verir ki, Böyük Britaniyanın baş naziri Boris Conson həmin gün Stokholmda əvvəlcə isveçli həmkarı Maqdalena Anderssonla, sonra isə Finlandiya prezidenti Sauli Niinisto ilə saziş imzalayıb.
Conson İsveç və Finlandiyaya hücum ediləcəyi təqdirdə ölkəsinin lazımi dəstəyi verəcəyinə söz verib.
İki ölkənin mayın 17-21-də NATO-ya üzvlük üçün müraciət edəcəyi gözlənilir.

İsrail ordusu Şirin Əbu Aqilənin qətlini etiraf edib

Rasthaber-ə istinadən Operativ.tv-nin verdiyi məlumata əsasən, sionist İsrail ordusu Cenin şəhərində Əl-Cəzirə müxbirinin qətli ilə bağlı araşdırmalardan sonra sionist əsgərlər tərəfindən öldürüldüyünü etiraf edib.
Dünən sionist İsrail qüvvələri İordan çayının qərb sahilində Əl-Cəzirə kanalının fələstinli müxbiri media jiletinin açıq-aşkar göründüyü zaman Şirin Əbu Aqiləni hədəfə alıb və onu şəhid ediblər. Kanalın prodüseri Əli Əl Səmudi isə açılan atəş nəticəsində yaralanıb.

Avropa İttifaqından pandemiya haqqında yeni qərar

Avropa Birliyi rəsmiləri Covid-19 epidemiyasının yumşaldılması ilə hava limanlarında və təyyarələrdə maska taxmaq öhdəliyinin gələn həftədən etibarən qaldırılacağını açıqlayıb.
Euronews-a istinadən Operativ.tv-nin verdiyi xəbərə görə, Avropa İttifaqının Aviasiya Təhlükəsizliyi Agentliyi (EASA), Avropa Xəstəliklərin Qarşısının Alınması və Nəzarət Mərkəzi (ECDC) ilə ortaq şəkildə qəbul etdikləri qərarın həm sərnişinlər, həm də ekipaj üçün hava səyahətinin normallaşdırılması üçün böyük bir addım olacağına ümid etdiklərini bildirib.

Çin sərnişin təyyarəsi hava limanında yanıb

Çinin cənub-qərbində hava limanında sərnişin təyyarəsi havaya qalxarkən yanıb.
Fars Xəbər Agentliyinin Beynəlxalq Xidmətinin məlumatına görə, Çinin cənub-qərbində bir sərnişin təyyarəsi hava limanından qalxarkən alovlanıb və yerli rəsmilər bildiriblər ki, onun mühərriklərindən biri uçuş-enmə zolağını cızıb və sonra alovlanıb.
Məlumata görə, yerli aviasiya rəsmiləri açıqlamasında bildiriblər ki, təyyarə uçuş-enmə zolağından kənara çıxdıqdan sonra mühərrik yerə çəkilib və alov başlayıb, hazırda bunun qarşısı alınıb.

Kəlbəcər istiqamətində mövqelərimiz atəşə tutulub

Mayın 11-i axşam saatlarında Ermənistan silahlı qüvvələrinin bölmələri dövlət sərhədinin Basarkeçər rayonunun Əzizli və Yuxarı Şorca yaşayış məntəqələri istiqamətində yerləşən mövqelərindən Kəlbəcər rayonunun Yuxarı Ayrım və Zəylik yaşayış məntəqələri istiqamətində yerləşən Ordumuzun mövqelərini müxtəlif çaplı atıcı silahlardan fasilələrlə atəşə tutub. Bu barədə Müdafiə Nazirliyindən bildirilib.