ABŞ `Qüds` briqadasının yeni komandanını təhdid edib

İran İslam İnqilabı Keşikçiləri Korpusunun (SEPAH) "Qüds" briqadasının yeni komandanı İsmail Kaani amerikalıları öldürərsə onu Qasim Süleymaninin taleyi gözləyir. "Əşrərq əl-Əvsət" qəzetinin məlumatına görə, bu barədə ABŞ-ın İran üzrə xüsusi nümayəndəsi Brayan Huk bildirib. 

 

"Kaanini amerikalıları öldürməyə davam edəcəyi təqdirdə eyni aqibət gözləyir", - o, vurğulayıb. 

 

Huk onu da qeyd edib ki, İran ABŞ əsgərlərini öldürəndən sonra ABŞ prezidenti Qasim Süleymanini öldürmək əmrini verib.

 

Xatırladaq ki, "Qüds" briqadasının komandanı Qasim Süleymani yanvarın 3-ü Bağdaddakı hava limanının yaxınlığında ABŞ tərəfindən terror edilib.