ABŞ BMT vasitəsilə Əfqanıstana 150 milyon dollar ayırıb

Birləşmiş Ştatlar BMT-nin üç qurumu vasitəsilə Əfqanıstana 150 milyon dollar yardım edib.

Operativ.tv APA-ya istinadən məlumatına görə, bu barədə ABŞ-ın xüsusi nümayəndəsi Tomas Uest məlumat verib.

“Biz Əfqanıstandakı iqtisadi böhranı aradan qaldırmaq üçün çox çalışırıq. 150 milyon dollar ərzaq təhlükəsizliyinin aradan qaldırılmasına, əfqan uşaqlarının məktəbdə qalmasına və qadınların və qızların səlahiyyətlərinin artırılmasına kömək edəcək”, - deyə Uest bildirib.

Ayrılan vəsaitlərin 80 milyon dolları Birləşmiş Millətlər Təşkilatının Ərzaq və Kənd Təsərrüfatı, 40 milyonu UNICEF, 30 milyon dollar isə Qadınlar Təşkilatı tərəfindən ödənilib.