AB İraqın yeni Baş nazirinin təyin edilməsini şərh edib

Avropa İttifaqı Xarici İşlər Nazirliyinin açıqlamasında, "İraqın yeni Baş nazirinin təyin edilməsi, ölkədəki mövcud siyasi vəziyyətin aradan qaldırılması üçün vacib bir addımdır", - deyə bildirilir.

 

Məhəmməd Tofiq Əlyavi 2006-2007-ci illərdə və 2010-cu ildən 2012-ci ilə qədər rabitə naziri vəzifəsini icra edib. İraq prezidenti Bərhəm Saleh Alaviyə şənbə günü hökumət qurmağı tapşırıb. Baş nazirin namizədliyini İraq parlamentinin ən böyük siyasi blokları dəstəkləyib.

Prezident Bərhəm Saleh dekabrın 30-da Adel Abd əl-Mehdinin istefasından sonra baş nazir vəzifəsinə namizəd seçimi ilə əlaqədar yaranan son dərəcə mübahisəli vəziyyətə görə istefa verməyə hazır olduğunu bildirərək, parlamentə məktub göndərmişdi. 

İraqda 2019-cu ilin oktyabr ayının əvvəlindən bəri davam edən etiraz aksiyaları zamanı nümayişçilər hökumətin istefasını, korrupsiyaya, işsizliyə və daha yaxşı yaşayış şəraitinə qarşı mübarizə tələb edirdilər. Etirazla müşayiət olunan toqquşmalar və iğtişaşlar nəticəsində İraq prezidenti Bərhəm Salehin sözlərinə görə, 600-dən çox insan həyatını itirib və təxminən 50.000 adam yaralanıb. Bu, İraqda 2003-cü ildə Səddam Hüseynin devrilməsindən bəri baş verən ən böyük etirazdır.