7 taksi sürücüsü həbs edildi

Azərbaycan Respublikasında müvafiq icazə almadan qanunsuz sərnişindaşıma ilə məşğul olmağa cəhd edən sürücülərin sayı açıqlanıb. 
 
Bu barədə dekabrın 30-da Daxili İşlər Nazirliyinin (DİN) Mətbuat Xidmətindən məlumat verilib. 
 
Məlumata görə, dekabrın 29-da postlardan icazəsiz keçməyə cəhd göstərən 6693 nəqliyyat vasitəsi müəyyən olunaraq geri qaytarılıb. İcazəsiz sərnişindaşıma ilə məşğul olmağa cəhd edən 7 taksi sürücüsü isə aşkar edilərək inzibati qaydada həbs edilib.
 
Həmçinin ev şəraitində müalicə təyin edilən 13 nəfər aktiv COVID-19 xəstəsinin ictimai yerlərdə müəyyən olunaraq evə qaytarıldığı və barələrində cinayət işinin başlanıldığı qeyd edilib.